خبر سئ للغايه بس لازم تعرفوه عشان هي امنتني عليه

السلام عليكم ورحمة الله وبركاته
متعرفوش انا احترت اد ايه في اني احط الموضوع فين
وكمان مضايقه قد ايه وانا بكتب الكلام ده
بس لازم اقوله في الأخر
اختكم ساره بتعتذر لكم جمعيا عن دخولها المنتدي مره ثانيه
عشان في البيت عندهم شالوا النت خالص
وهي مش هتقدر تدخل تاني لفتره كبييييييييييييييييره جدا
وبتطلب من كل اعضاء المنتدي انهم يسامحوها اذا كانت اخطات في حق أي عضو أو قالت له شئ هو غير راضي عنه
وبتعتذر لأستاذ محمد عشان هي خلاص
مش هتبقي مشرفه
هو ده الخبر
وادعوا كتييييييييييير قوي انها تركب نت تاني وتدخل وتتواصل معاكم تاني
جزاكم الله خيرا

وعليـكم السـلام ورحمة الله وبركـاته

ليـه كدة بــس

ربنا يرجعلها بسرررعة بالسـلامة

بجد ارخم حاجة ان النت يفصــل

انا لو مكانها مش هسكت

ممكن نرفع قضية على الراجل بتاع النت

وعليكم السلام ورحمة الله وبركاته



أكيد فى حل لو ممكن تدخل من عند أى حد
قريب
صديق
جار
نت كافيه محترم

حتى لو مرة كل أسبوع


يعنى بعد ما نستنى كل ده أن أستاذة سارة تدخل
ييجى الخبر ده


لو ممكن تقوليلها أن فى عضو أو عضوة مش مسامحها

ولا بلاش مش عايزين نتعبها أكتر

وإن شاء الله تدخل قريب

وعليكم السلام ورحمة الله تعالى ورضوانه وبركاته

بقى كده يا رحمه يعني انا لسه فرحانه عشان اطمنت عليكي تيجي تزعليني بالخبر ده حسابك معايا بعدين ولا انتي ملكيش ذنب خلاص مفيش حساب

ساره حبيبتي انا عارفه انه غصب عنك بس انتي وعدتيني انك هتحاولي تشاركي ايه مش ناويه تنفذي الوعد ده ؟؟؟؟؟؟؟

عشان خاطري حاولي بالله عليكي

بجد مقدرش استغنى عنك يعني انتي اصلا اللي عرفتيني بالمنتدى هنا وعرفتيني على رحمه تيجي تسيبينا بعد ده كله

عشان خاطري بلاش تسيبي المنتدى حتى ولو مره كل اسبوع زي ما استاذ معتز قال

بحبك في الله اوي يا ساره

السلام عليكم ورحمه الله وبركاته
جزاكم الله خيرا جمعيا
انا هنقلها الموضوع عشان تقراه بنفسها

السلام عليكم ورحمه الله وبركاته


بجد جزاكم الله خيرا انكم رديتو على الموضوع
شكرااااااا جداااااا يا رحمه .

أولا هو مش خبر سئ للغايه ولا حاجه اكيد ده الخير لينا كلنا فى الفتره دى .

*بنوتة الاسلام خلى بالك من نفسك جدااااااا
أمة الرحمن أحبك الله الذى أحببتينى من أجله
بسومه هتوحشك بزاف
اأستاذ معتز جزاك الله خيرا
أستاذ محمد حافظ ع المنتدى اوى وان شاء الله الاعضاء هيزيدو واحده واحده ويستفادو ويكون فى ميزان حسنات حضرتك


بجد كلكم لازم تسامحونى وتدعووووووووووووولى كتييييييييييييير جداااااااااااااااا ولكل اهلى واصحابى .

كنت عايزه أقولكم حاجه بخصوص المنتدى : خلو بالكم من المنتدى أوى وحاولو بقدر الامكان يبقى للاستفاده فقط والترويح بين الاخوات والاخوات -والشباب والشباب

عايزه أقول حاجه كمان انا عارفه انه مش من حقى بس لازم أقولها : خلو بالكم اوى من التجاوزات اللى فى المنتدى انا متأكده ان نيتا كويسه ومفهاش حاجه وحشه بس كمان ده منتدى كليه مش منتدى دينى وبس، يعنى فى ناس مش ملتزمه ممكن تدخل ممكن يختلط عليها الامر وتفتكر انها ممكن تتكلم بنفس الطريقه دي مثلا فى الكليه ... ينفع!
وكمان قد يكون فينا ضعيف النفس"مثلى " فرحماكم به .

فى فكره رمضانيه حلوه أوى سمعتها من الشيخ محمد حسان وأعرف ناس السنه اللى فاتت وناس السنه دى ما شاء الله بينفذوها وهى : ان كل اسره تفطر معاها أسره على قدر الامكان يعنى لو حد ما شاء الله رزقه الله يفطر اسره فقيره كامله ولو حد يعنى ميقدرش يدور على حد فقير عايش لوحده عشان يقدر يعنى بدل الاكل اللى بيفيض وطبعا مبنرمهوش عشان حرام فيفضل فى التلاجه لغايه اما يترمى برده!
أو ممكن تفطر الناس اللى بتصلى المغرب فى المسجد على تمر أو عصير .
وفى فكره تانى ان مثلا تلف التمر بورق سولفان ومعاه تذكره تحب تنشرها بين الناس وتوزعها لاصحابك او جيرانك او حتى فى التراويح وتطلب منهم انهم يبفطروا عليها .
جزاكم الله خيرا على سعه صدركم .
ربنا يتقبل منا ومنكم .

متنسونيش من دعائكم على الافطار وفى الصلاه .

وعليكم السلام ورحمة الله وبركاته

جزاك الله خيرا أستاذة رحمة_ممكن نقول دكتورة بعد كده_
واضح ان ده كلام الأستاذة سارة بس حضرتك ما قولتيش

أكيد الوصايا ده مش هنساها خالص
وان شاء الله ندعى لحضرتك _أستاذة سارة_

وعليكم السلام ورحمة الله تعالى ورضوانه وبركاته

ربنا يكرمك يا ساره انك فكرتيني بذنب بعمله ولا يا حبيبتي انا مش زعلانه ولا هزعل منك طبعا استغفر الله العظيم وحاضر هاخد بالي على قد ما اقدر بعد كده من مشاركاتي ربنا يكرمك يا ساره ومتنسينيش انتي من دعاءك يا حبيبتي وارجعي بقى انتي ورحمه

جزاكي ربي الفردوس الاعلى

Mizo كتب:وعليكم السلام ورحمة الله وبركاته

جزاك الله خيرا أستاذة رحمة_ممكن نقول دكتورة بعد كده_
واضح ان ده كلام الأستاذة سارة بس حضرتك ما قولتيش

أكيد الوصايا ده مش هنساها خالص
وان شاء الله ندعى لحضرتك _أستاذة سارة_

جزانا واياكم يا استاذ معتز
معلش مخدتش بالي عشان كنت مستعجله
جزاكم الله خيرا

السلام عليكم ورحمة الله وبركاته
كنت عايزه اقولكم ان ساره بتسلم عليكوا وبتقولكم ادعولها كتيييييير

والله خبر مشي سيء برك سيء بزاف يا ختي قولي لسارة وش تسالينا باش تخلينا .
معليه سلميلي عليها حنونتي
و اذا ممكن ترسليلي رقم مبايلها و لا تلفون البيت بعد اذنها باش نعيطلها و نهدر معاها لخطرش توحشتها بزاف
بارك الله فيك