معلش يا بنات اتاخرت عليكم وادي الموضوع اللي وعدتكم به

السلام عليكن ورحمة الله وبركاته

وحشتوني والله يا بنات

اخباركم ايه فاكرين لما نزلت الموضوع بتاع الطلب من الشباب انهم يحبوا اخواتهم البنات ويكونوا اصحابهم

وقتها كنت وعدتكم ان في لينا موضوع هنا في ساحتنا ساحة احلى بنات

معلش اتاخرت شويه بس معظمكم عارف سبب التاخير وبردو بعتذرلكم تاني

يا بنات انا كنت هقول نفس الكلام اللي في الموضوع التاني بس فضلت انه يكون هنا عشان الشباب ميفضلوش يقولوا احنا اخوتنا البنات مبيعملوش معانا كده وتتحول العلاقه لهات وخد

لا احنا كلنا لازم يكون الحب نابع من جوانا وبعدين ربنا اصلا وهب المراه صفة العطاء

يبقى احق الناس اللي يستاهلوا العطاء النفسي من الرجال هما الاب والاخ والزوج اللي هما ربنا حللهم لينا

يا بنات ساعه كل يوم من وقتنا لاخواتنا مش هتفرق معانا كتير نقعد نشوفهم مالهم لو زعلانين لو محتاجين حاجه

لو بيضاقونا انا بصراحه ممرتش بالموقف ده بس ولنفرض نقعد معاهم نشوف اللي مضايقهم مننا

بجد الحياه قصيره مش مستاهله اننا نزعل من بعض او حتى منحبش بعض

بس هو ده الكلام اللي حبيت اقوله وياريت متخيبوش ظني فيكم وتقولوا هنعمل ده لما اخواتنا الشباب يحبونا الاول

لا احنا نبدا بنفسنا

وياريت لو حد من الاخوه الشباب دخل الموضوع بدون قصد يبدأ بنفسه عشان ميحصلش اللي كنت خايفه منه

وده لينك الموضوع التاني بتاع اخواتناالشباب للي تحب تفتكر النصايح القليله بتاعتي اللي واثقه انكم بتعملوا اكتر منها

https://lifemission.yoo7.com/montada-f5/topic-t311.htm

بحبكم في الله