يا اعضاء المنتدى ممكن تقيّموا اللي بعملوا ده

السلام عليكم ورحمة الله وبركاته

اخواني واخواتي في الله اليكم بعض النقاط من وجهة نظري المتواضعه اللي ممكن تجعلني ارتقي بنفسي وبالمنتدى منتظره رأي حضارتكم فيها .................................

1-عند فتحي للمنتدى:-
سؤال لازم اسأله لنفسي انا بدخل المنتدى ليه ؟؟؟؟؟؟؟ لازم اعرف انا بدخل المنتدى ليه لازم يكون عندي هدف
" ان لم يكن لديك هدف فستصبح جزءا من أهداف الآخرين " والله اعلم اهداف الاخرين ايه؟؟؟؟؟؟؟؟؟؟؟؟؟؟؟؟

2- عند تسجيل دخولي :-ليه متكونش كلمة مروري الpass word تسبيحه او استغفار او دعاء أي ذكر اكسب بيه حسنات كتير ........

3-اسمي وتوقيعي وصورتي الرمزيه:-

هما انا هما اكتر تلات حاجات بيعبّروا عن شخصيتي في المنتدى يبقى لازم :
أ- ميكونش فيهم أي ميوعه او دلع عشان محدش يطمع ونقفل الباب في وش الشيطان
بسم الله الرحمن الرحيم
"فلا تخضعن بالقول فيطمع الذي في قلبه مرض "
صدق الله العظيم
ب- صورتي الرمزيه "ان وجدت" تكون رساله بوجهها لكل اللي يشوفها
يا ترى احب تكون رسالتي ايه ولمين؟؟؟؟؟؟؟؟؟؟؟؟؟؟؟

ج-التوقيع مش هيختلف كتير عن الصوره الرمزيه ممكن يكون رساله او أي كلام يكسبّني حسنات

وان شاء الله خدمة التوقيعات تشتغل قريب

4- موضوعاتي :-
المنتدى ده نعيم ربنا سبحانه وتعالى انعم عليا بيه وجعله سبيل للدعوه اليه سبحانه وتعالى يبقى مينفعش ارفض النعيم او حتى مستغلهوش استغلال كويس ازاي بقى؟؟؟؟؟
يعني مينفعش يعدي اكتر من اسبوع ومكونش نزلت موضوع هادف انفع بيه نفسي وغيري
بسم الله الرحمن الرحيم :
"ثم لتسئلن يومئذ عن النعيم "
صدق الله العظيم

5-ردودي:-
قبل ما اكتب أي رد لازم افتكر

بسم الله الرحمن الرحيم

" وما يلفظ من قول الا لديه رقيب عتيد"

صدق الله العظيم
انا تخيلت ثواب الردود في النقط دي

أ- يمكن ردي يكون بالنقد البناء

ويمكن ردي يكون سبب في اطالة عمر الموضوع

ويمكن ردي يكون سبب في تحديث الموضوع فيقرأه غيرك

ويمكن ردي يكون سبب في ادخال السعاده على قلب مسلم وهو كاتب/ة الموضوع

ويمكن ردي يكون على عضو/ه جديد/ه منتظرين اى رد عشان يحسوا بوجودهم في المنتدى

ايه ده للدرجه دي رأيي مهم وبيه "آخذ ثواب كل اللى هيقرأوا الموضوع من بعدي ويكون في ميزان حسناتي ان شاء الله"
وكمان مش هكون سلبيه " بقرأ وارحل"...................................



6- تسجيل خروجي :

مش هقول حاجه في النقطه دي غير ما قاله حبيبي وهو افضل الكلام بعد كلام الرحمن :
عن جبير بن مطعم رضي الله عنه قال: قال رسول الله صلى الله عليه وسلم ( من قال :
"سبحان الله وبحمده , سبحانك اللهم وبحمدك ,أشهد أن لا إله إلا أنت أستغفرك وأتوب إليك"

فقالها في مجلس ذِكر كان كالطابع يُطبع عليه ,ومن قالها في مجلس لغوٍ كان كفارةً له ) حديث صحيح ..

7-حجه ليا ام عليّا :

المنتدى زي أي نعمه ربنا سبحانه وتعالى انعم عليا بيها هتيجي يوم القيامه حجه ليا او عليا يارب اجعله حجه لينا جميعا يوم نلقاك اللهم امين يارب العالمين

اعتذر جدا جدا على الاطاله واشكركم لقراءة مقترحاتي اللي بذكّر بيها نفسي للارتقاء بها ومنتظره رأي حضارتكم فيها
-----------------------------------------------------------------------------
اختكم في الله :

amatELRHMAN