السلام عليكم ورحمة الله وبركاته
هنكمل انهردة سلسلة الاخلاق وهنتكلم عن التواضــع
بس كان المفروض بردو انزلها امبارح زى المرة اللى فاتت
المرة دى فعلا نزلتها وبعدين اول ما عملت ارسل مساهمتك النت فصل
الاول هنجدد النوايا
يلاااااااااااا
بــــــسرعة
طيب كدة تمام سمعاكو بتقولو خلصينا وابدأى
طيب يلا نبدأ
بـسم الله
الاول يعنى ايه التواضع؟؟
هو ليه معنايين
الاول:نستسلم للحق ونقبله من اى انسان
-يعنى فى ناس(مش احنا ان شاء الله)مش بيقبلو الحق الا من الاكبر منهم سواء فى السن او المكانة
التانى:خفض الجناح
-يعنى نعامل الناس برقة ولين ايا كانو...خادم او مستخدم او شريف او وضيع او عظيم او....
اظن كدة احنا متواضعين لـــــــكـــــــــن
انت راضى عن تواضعك؟مش مهم انت ترضى
ربنا-عز وجل-راضى عنه؟؟
لو راضى يبقى خير وبركة آديك بتتسلى فى القراية شوية
لو لأ بردو خير وبركة ما احنا بنتعلم
طيب منين جبنا المعناين دول؟؟
التواضع عكسه الكبر
تمام؟؟
طيب شوف كدة الحديث دوت ((الكبر بطر الحق وغمط الناس))
-الكبر بطر الحق ((التعريف الاول))
-غمط الناس انك تتكبر على الفقراء او الاقل منك مكانة او سن ((التعريف التانى))
ولا انا غلط؟؟
راجع نفسك واعرف انك لو مش متواضع هتبقى.....................!!
نيجى بقى على فضل التواضع
بص يا سيدى الاحاديث ديت
-ما تواضع احد لله الا رفعة
-من تواضع لله درجة رفعه الله درجة حتى يبلغ اعلى عليين...
-يقول الرسول –صلى الله عليه وسلم- ((من تواضع لى هكذا...))وظل يشير ببطن كفه الا الارض ويهوى به الى الارض
يقولون (فظل يخفض يده للارض حتى ادناها الى الارض)
ثم قال-صلى الله عليه وسلم-: (رفعته هكذا)) وقلب ظاهر كفه الى السماء حتى جعله فى السماء
طيب وعقوبة الكبر ايه؟؟
-باقى حديث من تواضع لله:
(....ومن تكبر على الله درجة وضعه الله درجة حتى يبلغ اسفل سافلين)
-لا يدخل الجنة من كان فى قلبه مثقال ذرة من كبر
وفى روايه اخرى
مثقال خردل من كبر
تواهى عن الكبر........
*حديث قدسى:
-الكبرياء ردائى والعزة ازارى فمن نازعنى فيها عذبته
((لو حد لسه مصمم يتكبر يواجه عذاب ربنا <اكيد مش حد مننا الحمد لله احنا متواضعين>))
*من وصايا لقمان:
((لا تصعر خدك للناس ولا تمشى فى الارض مرحا ان الله لا يحب كل مختال فخور))
اكيد مش بنعمل كدة صح؟؟
بس اكيد كتير مش عارف يعنى ايه تصعر!!
طيب صلو على سيدنا محمد –عليه الصلاة والسلام-
الصعر دة مرض بيجى للابل((شوفتو المتكبر عامل ازاى...لا ولسه كمان))لما بيجيلها المرض دة فى رقبتها مش بتعرف ترجع رقبتها زى الاول وبتفضل ماشية رافعة راسها لفوق
اظن كدة عرفتو
المهم بقى:اخبار رقبتكم ايه؟؟
*مواقف من الرسول-صلى الله عليه وسلم-تعلمنا التواضع
لا ومش هتعلمنــا بـس دى ان شـاء الله هتدينا شحنة حماسة كفـــاية اوى:
-كان-صلى الله عليه وسلم-فى بعض اسفارة فامر باصلاح شاه
فقال رجل:على ذبحها
وقال الثانى:على سلخها
وقال الثالث:على طبخها
فقال الرسول-صلى الله عليه وسلم- : وعلى جمع الحطب
فقالوا:نحن نكفينك
فقال-صلى الله عليه وسلم-قد علمت انكم تكفونى ولكنى اكره ان اتميز عليكم فان الله يكره من عبده ان يراه متميزا بين اصحابة وقام وجمع الحطب
علــــــــــيك الصلاة والسلام يا رسول الله
-كان الرسول-صلى الله عليه وسلم-اذا سلم لا ينزاع يده حتى ينزعها الذى يسلم عليه واذا سلم سلم بكليته ولا يصرف وجهه عنك هاشا باشا لا تلقاه الا مبتسما
علـــيه الصلاة والسلام
-يقول-صلى الله عليه وسلم- ان الله خيرنى ان اكون ملكا نبيا او عبدا نبيا فاخترت ان اكون عبدا نبيا
علـيه الصلاة والسلام
-جاء رجل للرسول-صلى الله عليه وسلم- يرتعد(يحسب انه سيدخل على ملك من الملوك)فقال له –صلى الله عليه وسلم- :
(هون عليك فانى لست بملك انما انا ابن امرأة كانت تأكل القديد بمكة)
القديد:اللحم الناشــف
-كان الرسول-صلى الله عليه وسلم-فى يوم خندق يحفر التراب على ظهره من حفرة عمقها 3 امتار ويقول الصحابة:فوا الله لقد رأينا جسد النبى-صلى الله عليه وسلم-قد غطاه التراب
-وكان -صلى الله عليه وسلم- فى خدمة اهله ...يرقع ثوبة ويخصف نعله ويحلب شاته ويخدم نفسة ((رواه الامام احمد))
صلـى الله عليك يا رسول الله
اظن بعد كدة المفروض هنغسل الاطباق وننزل الســوق....ولا ايــه؟؟
انا كمان زيكو متقلـقوش والله المعيــن
نتعلم بقى قصتين كدة من الصحابة-رضى الله عنهم-
بصو بقى القصة دى جامدة اوووى
بجد من اروع القصص اللى قرأتها
-حصلت بعض الخلافات بين محمد بن الحنيفة والحسيب بن على((اخان من الاب-سيدنا على رضى الله عنه-))
وحينمـا طال الخصــام بعث محمد بن الحنيفة رسالة الى الحسين وقال لــه:
يا أخى طال بيننا الخصام وانت خير منى وامك خير من امى ورسول الله –صلى الله عليه وسلم- قال: (خيرهما من يبدأ بالسلام)
واخشى ان أبدأك بالسلام فأكون خيرا منك فأبدأنى بالله عليك انت بالسلام
يــــــــــــــــــــــــــــــــا الله
بقى الكلام دة موجود دلوقتى؟؟
يـا ريتنا نتعلم من سيدنا محمد رضى الله عنه
مش هـقول روحو قولو لاصحابكم امك خير من امى
بـس احنا بس نبدأ بالسلام
القصة التانية دى بقى فـن من فنون التواضع!!
-كان زيد ين ثابت يركب ناقته فى يوم فجاء عبد الله بن عبــاس وامسك خطام الناقة وقال هكذا امرنا ان نفعل بعلمائنا فنزل زيد مسرعا من على ناقته وقبل يد عبد الله ابن عبــاس وقال:
هكذا امرنا ان نفعل بأهل بيت نبينا
عليه الصلاة والسلام
فـــعلا فن
لا وايــه كمان
واخدين بالكو ان دة سيدنا زيد بن حارثة اللى جمع القرآن وسيدنا عبد الله بن عباس حبر الامة؟؟؟؟؟
يعنى مــش اى حد
رضــــــــــــــــــى الله عنـــــهم
يلا بقى المفروض نحــاول نبقى متواضعين
والشعــــــــــــــــــــار بتاع انهردة
((وفى ذلك فليتنافس المتنافسون))
هاا قولولى عملتو ايه؟
او كل واحد يدخل يكتب موقف عن التواضع ومش شرط يكون امتى ولا فين
يعنى ممكن ايام الصحابة-رضى الله عنهم
او دلوقتى
او واحنا مع اصحابنا موقف حصل وعجبك
ادخلو وقولولــى
هستنى ردودكــــــــــــــــــــــــم..............
واكيد لاحظتو ان مفيش تنسيق
يلا مع السلامة
بنـوتة الاســــــــــــلام
عدل سابقا من قبل bnt_eleslam في الأحد يوليو 12, 2009 1:53 am عدل 1 مرات
الأحد أبريل 11, 2010 12:56 pm من طرف ابو عمر
» الاستاذ محمد الفاتح ممكن دقيقة من وقتك
الأحد أبريل 11, 2010 12:51 pm من طرف ابو عمر
» لازم كل الناس تدخل
الإثنين أبريل 05, 2010 3:52 am من طرف ثومه
» لتطوير المنتدى. .اقتراحات الأعضاء
الثلاثاء مارس 30, 2010 5:46 pm من طرف amatELRHMAN
» كلمة بتقولها كتير ياترى تعرف معناها؟؟؟؟؟؟؟؟
الأربعاء مارس 24, 2010 6:33 pm من طرف ابو عمر
» موقع يضم معلومات عجيبه عن العقل البشري و طرق الحفظ
الإثنين مارس 22, 2010 10:18 pm من طرف ابو عمر
» كيف أذاكر..السؤال الأول لدى الطلاب؟
الإثنين مارس 22, 2010 10:16 pm من طرف ابو عمر
» الكل يبارك لي
الإثنين مارس 22, 2010 10:14 pm من طرف ابو عمر
» اكتب بيت شعر
الأحد مارس 21, 2010 9:43 pm من طرف سندس
» إلى مَن قتلتهم ومَن قتلوني :`(
السبت مارس 20, 2010 10:24 pm من طرف جثة على قيد الحياة