حملة منتدى احلى من اللى فات...مش هنبدأ ولا ايه؟

وعليكم السلام ورحمه الله وبركاته
أحم أحم

هنبدأ ان شاء الله

وعليكم السلام ورحمة الله وبركاته

حبيبتي بنت الاسلام انا اصلا مش موافقه على الحمله دي منتدى استاذ مصطفى ونزلت شكاوي ااااااااااااااااااااااد كده بسببها بس طيبة قلب الاعضاء هي اللي مخلياهم مندفعين

حبيبتي الحمله دي رائعه بس لناس مش في سن الشباب هقوللك ليه كلنا او معظمنا لسه ملتزم قريب 3 او 4 سنين حتى اللي متربي على الدين فهو لسه بيتعلم وكلنا لسه بنتعلم

ولو كنتي سمعتي حلقة استاذ مصطفى خدعوك فقالوا محدش يقدر عليا كنتي هتفهمي قصدي

يعني هنروح لمكان المعصيه عشان ندعي الناس واحنا اصلا لسه محتاجين اللي يدعونا

بصي احنا بندعو الى الله نبدا باسرتنا وبعدين اقاربنا وبعدين اصدقائنا وبعدين جيراننا ولما نخلص دعوة كل الناس دي هتكون ساعتها اتكونت عندنا شوية مناعه ضد فيرس الرجوع الى الذنوب ووقتها نقدر ندخل على اي مكان انتي عايزاه

حبيبتي ادخلي على الموضوع اللي في المنتدى هتلاقي المشرفات بيترجوا الاعضاء عشان يسيبوا الحمله لانها انحرفت عن الخط اللي كان مرسوملها البنات بيتبعتلها رسايل تلين قلب الحجر على المنتدى التاني والشباب معظمهم ساب الحمله فبقت البنات مع نفسها والمشرفات مش عارفين يعملوا كل حاجه لان الموضوع خرج من ايديهم ولغاية دلوقتي وهما بدأين من اكتر من شهر ونص مفيش نتيجه ملموسه ولا حتى بشاير غير ان اعشاء منتدانا بداوا يعملوا حاجات غلط

يارب اكون قدرت افهم حبيبتي وجهة نظري

واحنا مكناش مستنين حتة عيله ولا حاجه لانك اولا مش عيله انتي انسه مسلمه محترمه كبيره عاقله

ثانيا لاننا فعلا مش رسالة نوم

جزاكي الله خيرا يا بنت الاسلام وربنا ينفع بيكي يا حبيبتي وانا فخوره اوي بحبك وغيرتك على دينك يا قمر

طب وهنعمل ايييه
خلاص احنا مش هنبدأها الا لما نكون كلنا موافقين
ومادام امة الرحمن مش موافقة يبقى مش هنبدأ
وبالنسبة بقى لرسايل الاعضاء اللى بتيجى من هناك ف المنتدى
انا جالى 6 من ولاد وولا واحدة رديت عليها ومسحتهم كلهم
بس اهو انا بقى لاول مرة هختلف معاكى فى حاجة
الحملة جايبة نتيجة كويسة
وانا عرفت من هناك بنت
بقت هى اللى بتعلمنى مش انا اللى بعلمها
لانها لما ابقى قاعدة بتقولى نقوم نصلى ونكمل
واتفقنا على مراجعة قرآن وهى اللى راجعت وانا مش راجعت
بس طبعا هى اللى زيها موجود نادرا
اوعى تزعلى يا امة الرحمن من كلامى
احسن مش هيحصلك كويس
وانتى عرفانى بقى
هههههههههههه

وآسفة اذا كلمة رسالة نوم ضايقتكو
بس انا بقول كدة عشان عيزاكو تبدأو اى نشاطات
عشان قبل الاجازة قلنا هنعمل وهنعمل
ومش عملنا حاجة
وانا عايزة اعمل حاجة

خلاص مش لازم الحملة دى مادام امة الرحمن مش موافقة
يبقى خيير لو استاذ محمد حذف الموضوع
بس لازم نبدأ نعمل حاجة بجد
مش هينفع كداااا
ارجوووووووووووكم لازم نبدا حاجة قريب
لان الاجازة بالنسبة ليا قربت تخلص
وف الدراسة مش عارفة هعرف ابقى معاكم ولا لأ

السلام عليكم ورحمه الله وبركاته

الواضح انى مش فاهمه حاجه خاااااااااااالص ممكن حد يفهمنى؟
هى دى حملة ايه؟

وعليكم السلام ورحمة الله وبركاته

اما انتى مش عارفة
بتردى ليه يا كتكوتة وبتقولى نبدأ
هههههههههه


حلو كتكوتة صح؟؟
ههههههه

الحملة اعرفيها من هنا
https://lifemission.yoo7.com/montada-f10/topic-t287.htm

ولو يعنى عايزة تشاركى فيها قوليلى
بس مش هتبقى ع المنتدى
عشــان مش هنعمل حاجة الا لما كلنا نبقى راضيين عنها