احلى نكت

الأمريكان والروس بيترسموا على بعض .... الأمريكان
يقولوا إحنا أول ناس طلعنا القمر والروس يقولوا لا إحنا
أول ناس طلعنا القمر ... صعيدي كان واقف إضايق أوي قالهم
إنتوا لما طلعتوا القمر لقيتوا إيه هناك ؟؟؟ قالوله طوب
ورمل وزلط قالهم إحنا اللي مطالعينه


جماعة صعايدة سمعوا عن إختراع إسمه السيفون حبوا
يعرفوا هو إيه بعتوا واحد منهم أمريكا لما رجع قالهم أما
السيفون ده حتة إختراع يا رجاله تدوس على السيفون ويا
تلحق تشرب يا متلحقش


صعيدي عاوز يزور فلوس جاب ورقة بعشرين جنيه وزورها
بالضبط بس غلط وكتب بدل الـ 20 ــ 18 وراح يفكها من
القاهرة راح لأول واحد قاله عايز أفك الورقة دي الراجل
قاله الله يخرب بيتك زورتها إزاى وخد الورقة ومشي
وإستغرب أوي إن الراجل عرف دي مزورة منين وقال أنا هآرجع
البلد أفكها من هريدي ولد عمي راح لهريدي قاله والنبي
ياهريدي فك لي الورقة دي قاله والله مفيش جنيهات تآخد
ورجتين بتسعة



3 بيحششوا في متحف برونز حصل كبسة الثلاثة عملوا
تماثيل أول واحد الضابط ضربه بالقلم قال أي الضابط خده
تاني واحد الضابط ضربه بالقلم قال أي الضابط خده ثالث
واحد الضابط بيضربه بالقلم راح قايل تنننننننننن


صعيدي بيعمل كشف نظر طلع نظره 6/6 فبيقول لصاحبه أنا
كنت ممكن أجيب أكتر من كده بس الدكتور اللي لخبطني


مسطول ماشي لقي زحمة جامدة أوي فبيسأل فيه إيه ؟؟؟
قالوله دول بتوع الأرصاد بيشوفوا هلال رمضان فالمسطول
طلع وقف معاهم وهم مش لاقيين الهلال فالمسطول بيبص كده
لقي الهلال راح قايلهم أهه الهلال أهه إنبسطوا منه أوي
وإدوله 10 جنيه فرح أوي راح باصص الناحية التانية
وقايلهم فيه هلال تاني أهه


مره واحد صعيدي ركب تاكسي فالسواق نزل يجيب سجاير رجع لقي الصعيدي شايل عصايه الفتيس بيقول ايه اللي انت عمالته ده قاله لقيت بتلخلع فيها شلتهالك علشان متتعبش


زوجه خوافه قوى كل يوم وهيه نايمة جنب جوزها تقول الحق يا عبده أنا سامعه صوت فى حرامى فى البيت جوزها تعب قوى مش عارف ينام وكل يوم على كده
قام قلها ياستى ماتخافيش الحرامى لما بيروح يسرق ما بيعملش صوت تانى يوم
صحته من النوم الحق يا عبده أنا مش سامعه صوت فى حرامى فى البيت


صعيدي قالوله بكره عيد الحب قال : يوووه ايه الورطة دى! وده صلاته ازي.


واحد بيقول لمراته ... انا النهاردة عايز رومانسية فى البيت ...
راحت الزوجة سألت امها : يعنى ايه رومانسية يا ماما؟
الام : مش عارفة بس احتياطى إنقعى الرز


دكتور بيعمل عملية في مخ مريض وطلّع المخ وحطة في الصينية جنبه وشغال في الـجـمـجـمـة شوية ودخلت قطة وكلت المخ الدكتور احتار ملقاش غير جوز الجزمة حطها في الجـمـجـمـة وقفلوبعد كام سنة سأله واحد زميلة بيقول له أخبار مريضك بتاع الجزمة ايه ؟؟رد علية وقال له عقبال أملتك دا بقي الوزير بتاعنا


واحد قالو له الحق مراتك قاعدة مع صاحبك في البستان راح جاري ورجع على طول وقال لهما هم شجرتين عملتوهم بستان والراجل طلع لا صاحبي ولا اعرفو


وحده تقول لزوجها ادبح خروفين بمناسبة مرور 25 سنه على زواجنا قال زوجها طيب و إيه ذنب الخروفين في غلطه أنا ارتكبتها من 25 سنه


واحد مسطول ماشي في البيت خبط فأمه .. قالتله ايه ما شفتنيش .. قالها شفتك بس مش فاكر فين


واحد أعمى فتح من الفرحة اتشل


واحد بيقول لشيخ هو ينفع الصلاة من غير وضوء ...
قاله لأ ماينفعش طبعاً ..
قاله ايه رأيك جربت امبارح و نفعت


واحد أحول جه يعيط رجع


واحد صعيدي ماشي في الشارع لقى قشرة موز ... قال ييييه حتزحلق تاني


واحد صعيدي مراته بتقوله قوللي حاجة حلوة
قاللها بسبوسة
قالتله لأ قوللي حاجة تهزني
قاللها مرجيحة
قالتله يا راجل قولي كلمة تحسسني ان انا مراتك
قالها انت طالق


عملوا جائزة مليون جنيه للي عنده 10 عيال.واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده.


اثنين مساطيل ركبوا أتوبيس بدورين اللي فوق سال اللي تحت انتوا ماشيين بسرعة كام؟ قالوا 80 وانتوا ؟ قاله: إحنا السواق مجاش.


محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام.


سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله